انصاف بريس
على خلفية سوء التفاهم الذي وقع بين إيهاب أمير والممثل محمد الشوبي بعد الانتقاد الذي وجهه هذا الأخير لصاحب أغنية “2 كلمات” بسبب أداءه المتواضع أثناء استضافته في حلقة “تغريدة” والرد القاسي الذي كتبه إيهاب على الصفحة الرسمية لمحمد الشوبي.وجه الناقد المغربي المعروف باسم “m.critic” على صفحته الرسمية بموقع “انستغرام” رسالة قاسية لإيهاب أمير اتهمه فيها بالغرور والتطاول على ممثل قدير وأكبره سنا وكتب الناقد ” إيهاب أمير بغيت نقولك “2 كلمات” لا تبصق في الحساء! وباش نشرح ليك كثر مضيعش بيديك النعمة لي عطاك الله عندك شهرة.. صوت.. و محبة الناس وسطر مزيان على محبة الناس بالستيلو حمر .. حيت الى فقدتي هاد التالية واخا يكون عندك الصوت الأوبرالي مكاينش لي يتسوق ليك.. مؤخرا تصرفاتك تبدلات لا مع الصحافة لا مع بزاف دالناس فالوسط الإعلامي والفني وليتي تعامل على أنك نجم صف أول فالعالم العربي وتغريتي بزايد.. “
وكتب في نفس الرسالة “مكنهدرش من فراغ كاع الأخبار كتوصلني من الوسط ويمكن لي معارفها حد.. وعرف مزيان أن الغرور مقبرة الفنان ! محمد الشوبي فنان مغربي كبير و مثقف ومن حقو يكتب لي بغا و داكشي لي كتب محطش سميتك فيه و هذا ذكاء منو و غباء منك لأنه معندك حتى دليل أنه الهدرة عليك و حتى لو غلط و قصدك انت.. مكانش عليك تجاوبو بديك الطريقة الوقحة كيبقا قد الأب ديالك واجب عليك تحترامو.. أما باش تعاطى معاه كي العيالات وتعايرو بالشْرف وأنك عندك فلوس.. ونتا حسن منو.. ومن بعد؟!.. آش هاد المستوى؟! نتا راجل خلي عليك ديكشي ديال النسا.. آاش داك تطيح من قيمتك وتجيب الدعاوي لوالديك انهم معرفوش يربيوك ؟”
وأضاف الناقد أن إيهاب شخصية عامة وعليه أن يتقبل انتقادات الناس بصدر رحب ويحاول أن يغير من نفسه وكتب “من جهة أخرى الناس كتنتاقد لباسك ونتا كتقولهم حوايجي غاليين عليكم..بصح يمكن ليك تشري حوايج غاليين لكن ‘الكلاس’ مكيتشراش..!
بزاف دالفنانين منهم حاتم عمور لي هو مطرب وقاري الموسيقى و أغانيه كلها des hits وكدير ل buzz شخصيا انتقدتو شحال من مرة ودائما كينتابه لكل حاجة كنقول عليه علاش؟! حيت متواضع و عارفها فصالحو و كيصلح الأخطاء ديالو.
وختم رسالته قائلا “إيهاب نتا مزال صغير و مزال معرفتي بزاف دالحوايج.. خليك داك الولد المتخلق لي عرفناك نهار الأول وديها فالفن ديالك فقط وحسب خرجاتك و هدرتك وعرف اش كتقول و عرف أن 2 ديال الناس مكيتعلموش المتكبر و الخجول.. وعرف انه الى مشاولك أخلاقك مشالك مشوارك الفني..افهم واستوعب.. متمنيا لك بالتوفيق”.